қақпан миналар

(Мины-ловушки)

тиіп кеткенде, орнынан жылжытқанда, қолға алғанда немесе мина жарғышқа жасырын қосылған миналанған алдамшы затты қолдану кезінде жарылатын стандартқа сай емес инженерлік миналар. Қ.м. жарылғыш заттардың зарядтарынан, жарылғыш қондырғы мен алдауыштан тұрады. Заряд жарылғыш зат шашкасынан, артиллериялық снарядтардан, авиабомбалардан, минаатар мен инженерлік миналардан тұруы мүмкін. Қақпан миналардың жарылғыш қондырғылары механикалық, электрлік, жылулық және т.б. болуы мүмкін. Алдауыш ретінде адамның қызығушылығын, оны қолдануға әуестігін туғызатындай заттар немесе кедергі жасайтындай: қымбат, әдемі заттар, жабдықтар (жиїаз және т.б.), әскери қолданыстағы заттар, тағамдар және т.б. таңдалады. Қ.м-ды залалсыздандыру ісі өнертапқыштықты, білік пен ептілікті қажет етеді.